Kemennet hor boa deoc’h dija e rae TVR – anavezet gant an anv TV Rennes gwechall –  gant ar .BZH. Gant astenn internet Breizh e ra ivez bremañ ar chadennoù eus Penn-ar-Bed hag eus ar Mor-Bihan, Tébéo ha TébéSud. Hiviziken e c’hallit kavout holl geleier Breizh gant .BZH !

Chadennoù kelaouiñ hollek eo Tébéo ha TébéSud. D’ar strollad Le Télégramme ez int. Noz-deiz ha sul-ouel-pemdez e c’hallit kavout ganto ar pep pennañ eus keleier ar vro :  keleier skinwel, kelaouadennoù, abadennoù dudi… Klask a ra Tébéo ha TébéSud bezañ ur skeudenn eus buhez ar vro, digor d’ar bed, dre gelaouadennoù sevenet war an dachenn gant kazetennerien hag a ya en arbenn da dud ar vro. Meur a vloaz zo dija e pourchasont ur servij nevez da glokaat ar mediaoù a zo anezho dija.

« Petra eo an hollved ? Lec’hioù hag a zo bet tennet ar murioù diouto » – Olivier Clech, pennrener
« Na pegen mat e tiazez ouzh divskouarn ar Vretoned, an aforism-se gant ar skrivagner portugalat Miguel Torga.
Dereout a ra mat-tre ouzh ar .BZH, an astenn-se a c’hall, gant ur pik ha teir lizherenn, tra ken, liammañ nerzh gwrizioù Arvorig ouzh an dachenn niverel divent. Met gallout a rafe ivez bezañ ger-stur Le Télégramme, gwriziennet en e vro ouzhpenn 70 a vloazioù zo, ha lennet gant Bretoned ar bed a-bezh. Eus ar vro-mañ eo Tébéo, skinwel Penn-ar-Bed, un iskevredad eus ar Strollad Télégramme, krouet e 2009, ha ’han-se ez eo eus ar bed a-bezh, ken ez eo. Se zo kaoz en doa graet a-zevri gant ar .BZH evit e lec’hienn nevez-flamm ! »

« Ken eeun ha tra e oa evit Tébésud merdeiñ war .BZH » – Bertrand Le Néna, rener TébéSud
Tébésud eo skinwel lec’hel ar Mor-Bihan, ijinet gant Le Télégramme hag e gevelerien publik ha prevez, skignet war ganol 33 an SND ha gant ar « boksoù » (365 Free, 257 Orange).
Diskouez a ra Tébésud buhez ar Mor-Bihan, gant lusk, skeudennoù ha kelaouadennoù. Un arouez eus Breizh eo, setu e oa ken eeun ha tra evit Tébésud merdeiñ war ar .BZH. Dre he c’heleier skinwel hag hec’h abadennoù, ez eo Tébésud ar chadenn a sell ouzhoc’h-c’hwi, a gelaou hag a zidu ac’hanoc’h, noz-deiz ha sul-ouel-pemdez. Er programm, bemdez : sevenadur, politikerezh, sportoù, ekonomiezh ha kevredigezh, gizioù, bageal-dre-lien, beajoù, boued mat, douar ha mor, kinnigoù sortiadennoù, glad, istor…. Lusk-dilusk eo ar Mor-Bihan ha gwelet e vez war Tébésud !

Evit sellet ouzh Tébéo :
SND, kanol 31 ; Orange TV (Livebox), kanol 246 ; Free, kanol 366 ; Numericable, kanol 95
Hag el lec’hienn www.tebeo.bzh

Evit sellet ouzh TébéSud :
SND, kanol 33 ; Orange TV (Livebox), kanol 257 ; Freebox, kanol 365
Hag el lec’hienn www.tebesud.bzh

À propos de Association www.bzh

L'association www.bzh est le registre gestionnaire de l'extension internet .bzh. Par délégation de l'ICANN, organisme régulateur d'Internet au niveau mondial, elle assure la gestion et la promotion de ce territoire numériqué dédié à la Bretagne, sa culture et ses langues.