Karout a rafec’h en em vataat eus ur servij ouzhpenn pe eus ur priz adkoumanantiñ izeloc’h ? Kinnig a reomp deoc’h un tutorial evit treuzkas ho .bzh ha cheñch pourchaser aes.
Dleout a rit da gentañ kaout kod aotren (AuthCode) an anv domani ma c’hellit gantañ kregiñ gant an treuzkas. Ret e vo deoc’h bezañ sur ivez n’eo ket bet stanket treuzkas hoc’h anv domani gant ho purev marilhañ a-vremañ, dre lakaat war-sav ur gwarez diouzh an treuzkas (clientTransferProhibited). Hegerz eo an titouroù-se en hoc’h egorenn arval. Mar bez un diaester bennak, kit e darempred gant ho purev marilhañ a-vremañ.
Treuzkas ho .bzh d’ho pourchaser nevez
Kit da c’houde war lec’hienn web ar burev marilhañ a fell deoc’h treuzkas hoc’h anv domani dezhañ. . Ma n’ho pez ket dibabet ur pourchaser dibar d’ar poent-se e c’helloc’h keñveriañ prizioù ha servijoù meur a vurev o sellet ouzh hor pajenn a-ratozh.
Ma ne welit rubrikenn dreuzkas ebet war lec’hienn ar burev marilhañ dibabet, an aesañ a vo klask marilhañ hoc’h anv domani a zo anezhañ. Da c’houde e tiskouezo al lec’hienn deoc’h eo deroet an anv domani c’hoazh met reiñ a raio deoc’h an tu da dreuzkas anezhañ.
Pa c’houlennoc’h an treuzkas e c’houlenno al lec’hienn diganeoc’h ar c’hod aotren pe AuthCode a rankoc’h resisaat neuze. War un dro e vo kaset ur c’hemennad da chomlec’h darempred melestradurel an anv domani evit goulenn ma vo kadarnaet treuzkas an anv domani. Ar chomlec’h-mañ eo an hini ho peus roet p’ho peus marilhet hoc’h anv domani. 5 devezh a zo deoc’h evit respont d’ar goulenn kadarnaat resevet war ho poest-posteloù. Ma ne respontit ket e koulz e vo dilezet an holl zifraeoù treuzkas. Treuzkaset e vo an anv domani etrezek ar burev marilhañ nevez pemp devezh d’an diwezhatañ goude bezañ kadarnaet an treuzkas.
Kenderc’hel a raio an anv domani da vont en-dro reizh e-pad ma vo lakaet an treuzkas war-sav. Ne vo efed ebet war mont en-dro reizh al lec’hienn web pe ar chomlec’h web.
Pad ar marilhadur nevez
Fakturennet e vo an treuzkas deoc’h met diwar se e vo kemmet deiziad termen hoc’h anv domani hag ouzhpennet ur bloaz dezhañ.
Gwelloc’h eo ober an treuzkas miz a-raok an deiziad termen da nebeutañ.
Diwall d’ho postelerezh : evit chom hep koll ho kemennadoù e rankit kenderc’hel da implijout servijer postelerezh ho herberc’hiañ kent (marilhadurioù MX ho takad DNS). Ma ne vez ket tu e vo ret deoc’h treuzkas ho postelerezh. Kinnig a reomp deoc’h ur mod implij war hol lec’hienn : https://www.pik.bzh/votre-adresse-email-en-bzh/ .
Ezreolennoù ouzh ar gwir treuzkas
Gellout a reer treuzkas un anv domani da n’eus forzh peseurt mare, nemet e pevar degouezh resis :
- Ret eo gortoz 60 devezh da nebeutañ goude bezañ marilhet an anv domani.
- Ha 60 devezh termen ivez goude treuzkas diwezhañ an anv domani.
- Ret eo gortoz 60 devezh da nebeutañ ivez goude bezañ kemmet roadennoù personel perc’henn an anv domani.
- Emañ an anv domani o vezañ nullet.
En tri degouezh kentañ eo ret gortoz 60 devezh. Er pevare degouezh eo ret deoc’h adtapout an anv domani o c’houlenn anezhañ digant ar burev marilhañ evit ma c’hellfec’h treuzkas anezhañ.
Quel est le coût d’un transfert ?
Nous vous proposons ci-dessous une liste indicative des coûts de transfert HT rendus publics par les bureaux d’enregistrement au 15 octobre 2023.
Pour choisir au mieux un nouveau prestataire, nous vous invitons à comparer les prix et services des différents bureaux d’enregistrement sur notre page dédiée.